Muhammad Zafar Iqbal Noori
Muhammad Zafar Iqbal Noori

نعتِ رسول ﷺ. : اظہارِ عجز

تو جو میرا نہ رہنما ہوتا
کوئی منزل نہ راستہ ہوتا

ہم کو صحرا نگل گئے ہوتے
گر نہ رہبر وہ نقشِ پا ہوتا

غم زمانے کے مار ہی دیتے
گر تمہارا نہ آسرا ہوتا

اذن پاتے ہی جسم سے پہلے
دل مدینے کو جا چکا ہوتا

شوق میرا اڑان یوں بھرتا
تیرے قدموں میں جا گرا ہوتا

رات کتنی حسین ہو جاتی
خواب ہی میں تو آگیا ہوتا

دن بھی میرا نکھر نکھر جاتا
تیری سوچوں میں جاگتا ہوتا

میرا مرنا بھی سھل ہو جاتا
تو جو بالیں پہ آ گیا ہوتا

عمر یوں ہی تمام ہو جاتی
نوری وقفِ ثنا رہا ہوتا

ظفر اقبال نوری

SHARE