پاکستان کا کربلا کی بھگدڑ میں شہیدوں کے اہلِ خانہ سے اظہارِ تعزیت

10
دفترخارجہ کے ترجمان ڈاکٹر محمد فیصل نے کہا ہے کہ کربلا کی بھگدڑ میں پاکستانی زائرین محفوظ رہے۔

ترجمان نے ایک بیان میں کہا کہ کربلا میں پاکستانی سفارتخانے کا کیمپ آفس صورتحال پر گہری نظر رکھے ہوئے ہے۔

ترجمان نے سوگوار خاندانوں سے اظہار تعزیت کیا اور زخمیوں کی جلد صحتیابی کیلئے دعا کی۔

عراق کے شہر کربلا میں پل گرنے سے بھگدڑ میچ گئی جس سے تیس سے زائد افراد شہید اور سو سے زائد زخمی ہوگئے۔

عراقی وزارتِ صحت کی جانب سے جاری بیان کے مطابق کربلا میں عاشورہ کےجلوس کے لیے بنائے گئے راستے کا ایک حصہ گرنے سے بھگدڑ کا واقعہ پیش آیا ، جس کے نتیجے میں اکتیس افراد شہید اور سو کے قریب زخمی ہوئے ہیں۔